زياد الرحباني للمرّة الأولى في دمشق
زياد يلتقي أخيراً جمهوره الدمشقي! 4 أمسيات موسيقية يحييها الرحباني الابن في دمشق بين 15 و18 آب/ أغسطس، ضمن فعاليات «دمشق عاصمة الثقافة العربية». سيقدم خلالها الفنان اللبناني، على مسرح قلعة دمشق، برنامجاً موسيقياً وغنائياً متنوّعاً بين قديم وجديد. وكشف زياد الرحباني أنّ برنامج الحفلة يتضمن «مقطوعات موسيقية تعزف للمرّة الأولى... مع احتمال تأدية أغنية جديدة». أما الفرقة، فهي «كاملة» مؤلّفة من عازفين سوريين وأرمن ولبنانيين، يقودها المايسترو كارين دورغاريان، إضافة الى كورس منشدين سوريين.
وقد أعدّت إدارة المهرجان المكان ليتّسع لحوالى 5 آلاف مشاهد في الحفلة الواحدة. أما أسعار البطاقات، فستكون رمزية ليتمكّن جميع محبّي زياد، وهواة موسيقاه في سوريا، من المشاركة في سهرة «من العمر»، من المتوقّع أن تبقى في ذاكرة المهرجانات العربيّة والجمهور السوري. أما حفلة فيروز التي كان قد أعلن عنها سابقاً فلم يحسم أمرها حتى الآن.
كان الي ناطرة زياد 8 سنين .....
و هلق...
باقي 32 ساعة و عشر دقائق لشوفو :)
بحبك
يا ايها السادة هذا الأعلان ليس للدمشيين بل لكل محبي اعمال زياد(الأستاذ)وليس الفنان لانو لو قلنا فنان يمكن صار في تحدييد شوي . وو سامحووني اذاكنت متحييز ل زياد
عاصي علمني أحلم بوطن وزياد علمني كيف أبني وطن ...ومع ذلك حاسس حالي وحيد ومن أكبر شعب عنيد....
أهلا زياد ... ناطرينك
من وحي زياد
" حلّقي فوق غابات البنفسجِ يا يمامهْ..
وإذا رأيتِني .. أحمرَ الخدَّينِ
..مَعروقاً جبيني
لا تسأليني لماذا لا أُقَبِّلُكِ؟!
إنَّ لي وطناً يُعلِّمُني
أن أُؤًجِّلَ عملَ اليومِ...
..إلى يومِ القيامهْ!!
*******************
تحياتي
زياد يا نبض القلب والروح لكل إنسان ما عندو رغيف الخبز,بس عندو شرف, عندو كرامة,ومانو عنيد, عايش معك تلات وعشرين سنة,وعمري كان ستة عشر سنة,أول ما عرفتك كنت رشيد, وبعدين زكريا وزكريا التاني ونور وعيسى,والظابط ,وكل مابينحكى موضوع بجيب سيرتك, وبقول للعالم اسمعو منو لتصيرو بشر, ولك سمعو منو بتروحو عالقمر,وبتكسرو الدنيا بس الشعب متل ماأنت قلت عنيد,بيقولو شمال بيشد شمال,وبيقولو يمين "أوكيه ...يمين", ضيعانك فيناياأحلى مافينا, وأنا كاتب شي ما بعرف شو اسمو شعر ...نثر بس اللي بعرفو أنو ألو علاقة فيك "وبيكفيك شو بدك يعني إني موت فيك, والللللله رح موت فيك", أهلين زياد وانشالله إجي من غربتي لشوف حفلتك وشوفك وخبر ولادي التلاته إني بزماني شفتك واكتفيت , وياريت تقرا الرسالة التانية.
شكرا دمشق......
زياد...انتي مثلي الأعلى بكل شي...الله يحميك يا رب...
هاد اكبر حلم بحياتي بدو يتحقق....
كيف التسجيل؟؟
حبيب ألبي زياد
أنا برا البلد بس روحي رح تكون حوالين القلعة ... بحبك كتير
بليز يا ابو عاصي ما تنسى الناس ياللي بيحبوك بمدن سورية تانية بليز تعمل حفلات بطرطوس بلييييييييييييييييز والله الشام بعيده
لك و الللللله انو احلى خبر بسمعو بحياتييييييييي
زياد رح يجي لعنا.......
انشالله يكون حجم المسرح يستوعب حجم الحدث حتى نحسن نحضر بتوقع الاف مؤلفة ستغزو دمشق لحضور الحفلات
انشالله يصرلي حجز من السعودية لاني نازل خصوصي خبرونا بس كيف الحجز
وأهلا بالغالي بين جمهور ناطره من زمن
لما ببلش يوعا الانسان ويركب شخصيته ببلش يحلم ويتمنى اشياء اذا ما كانت مستحيلة فهيي صعبة الحدوث وانو احضر زياد لايف هدا كان من احلام المستحيل
يا اللللللللله يا زياد عهالخبرية أنا ما عم صدق
انو رح شوفك و اسمعك و تكون ترددات صوت البيانو لي عم تعزف عليه بنفس المحل لي انا موجودي فيه .. و أخيرا رح شوف إيديك يلي صورها معباي غرفتي
ناطرينك تحت الشبيك :)
زياد الرحباني الك هالغنية :غني للناس ..للحب غنيلي غني,غني لدقة قلب , غني لرفيق الدرب غنيلي غني.. ,غني لقلب مشتاق ناطر ع نار ,غني لحلم ع وراق بعدو ماصار ,غني لأيلول وفراق ياخد قرار,..غني لبال مشغول منو ع بال ,غني لعيون بتقول حكي ماانقال ,غني الجواب ع طول باقي سؤال ..غنيلي غني غني ,ولاد الشمس ناطرينك ..لنخلّي الليل يغنيلك..هلا.
يمكن هاد التعليق العاشر يلي بكتبو عن شي بيخص زياد و ال 9 تعليقات الأوائل كانو طلب من زياد ليزورنا بالشام و هاد الأخير هو بس لقول شكراً يا زياد...
ناطرينك و بتخيلون 4 حفلات من العمر
بالفعل هو حلم يتحقق.. لقاء زياد في دمشق.. سيكون حدثاً من العمر.. ناطرينك يا زياد لترجع تحيي فينا الحلم بعالم أكثر عدالة.. ولكن أخشى أن لا يتسع المكان لكل محبيك يا زياد.. يا ريت تكون الحفلات بمكان أكبر.. أهلا وسهلا فيك يا أبو الزيز الحبيب..
لا غنى لعاصمة ثقافة عربية عن استقبال من قدم أحد أهم التجارب الموسيقية العربية، تجربة زياد، موسيقاه، أغانيه مواقفه، آراؤه، شيوعيته،علمانيته، حسه السليم، و قربه للفقراء سيبقى زادا لقادم الأيام لأنه و كما يغني زياد أصبح : شو هالأيام اللي وصلنالا...
زياد شكرا لأنك ستأتي و تمنحنا جزءا من عطاء و فن يمس الكثر في سوريا و يقدرونه حق التقدير و يفهمونه جيدا و لو أننا سنناديك أبو الزوز تحببا
شكرا لأنك ستغني لكثير ممن يجدون فيك حاملا ثقافيا مهما لمشروع اسمه العلمانية في العالم العربي و ممن عاشوا مؤمنين بها ستكون ناطقا باسمهم، لكن هذه المرة قريبا منهم سيشعرون بقوة شد يدك على أكتافهم
زياد في دمشق لن تكون في بيتك الثاني فأنت هناك لن تكون خارج بيتك و أهلك .. المعتر بكل الارض دايما هو ذاتو
بما انو كلشي نظيف وبما انو شغنا عفيف والحالة مش عارف كيف
عمري كلو مابساوي شي اذا ما حضرت حفلة ابو الزوز
هالخبر بمليون بس ياريت معي مليون و الله لأعطيكم ياه
ما بتعرفو مدى الفرح الساكن قلبي إنشاالله أقدر أحضر شي حفلة
أبو الزوز ناطرينك
مومعقول والله حلة البركة الشام رح نفرشها كلها ورد كرمال عيون أحلى معلم أبو الزوز و أنا نازل عالشام من فرنسا لأحضر الحفلة .والله زمان
والله هذا الخبر ربما كان الأسعد في حياتي منذ سنوات !!!
زياد في دمشق ! هذا أقرب إلى الحلم منه إلى الحقيقة ... سأحاول الحضور في الحفلات الأربعة !!!
أهلاً مجدداً بزياد في سوريا !
زياد الرحباني سفير لبنان الى كل الدول لأنه مبدع وشريف
زياد الرحباني هو وزير الثقافة الحقيقي المختار من اللبنانيين المؤمنين بلبنان الفن والحضارة والأبداع بعيدا عن طائفية الزواريب الحكومية وتشكيلاتها!!
زياد رحباني: شكرا شكرا شكرا شكرا شكرا شكرا شكرا شكراشكرا شكرا شكرا شكرا شكرا شكراشكرا شكرا.....
حققت حلم ملايين السوريين يا زياد...
شكرا لتقديرك مدى حبنا ايها الكبير..
اكتب و انا ارتجف ..
و أخيــراً استحقت دمشق قدوم باخ الصغير، نحن بانتظار الموعد اعتقد أن التكريم و الحفاوة التي سوف يلقاها لا يوجد لها مثيل.
يا 100 مرحبا يا أبو عاصي
قلوبنا وعقولنا قبل بيوتنا متشوقة للقياك فاهلا بك ايها الفارس الذي اطربنا كلامه قبل موسيقاه اهلا بك يا ابن السيدة العظيمة انك موجود في كل ذاكرة تعشق الحرية في كل روح تهوى الانطلاق نحن في انتظارك وقد اضنانا الاشتياق للقاء بك
لماذا يا زياد؟ مع محبتنا للشام و اهلها. انت الوحيد من ابطال عصرنا الماضي الذي لم يذهب لسوريا او للولايات المتحدة. ارجو على الاقل ان تبقى مترفعا عن زيارة امريكا فانت الرمز الطاهر الوحيد المتبقي من تلك الايام، ايام ثورة الفقراء و الحلم بالعدالة و المساواة.
من يدري فعلى الارجح ان ما تفعله هو السليم و انا ما زلت في العام ١٩٧٦. على الاقل بعدنا طيبين.
الزائر الكريم:زياد سيأتي الى شعب معظمه يعيش من عمله ودخله المتدني وبلاد تأكل وتلبس مما تنتج:شعب يغلب عليه الحس الوطني والقومي العميق ورغم كل الحصار الطويل لم يتردد على السفارات الغربية سوى حفنة قليلة جداومؤخرا,واليسار يغلب على أجيال المعارضة و المثقفين.وأعتقد أنه تم الإصغاء لخطاب زياد بشكل أعمق وأوسع بكثير في سوريا.شعب أصيل ومعتر ولايتقن"الأمبلاج".ولكنها المصادرة المؤلمة التي طالما رشقنا بها رفاقنا اللبنايين و الفلسطينين!معلش,في الله و سايكس بيكو! ويازياد ياحلوويامر: الشوف غير السمع.بس حلوين وبيستاهلوا,ولَو!
والأكيد أكتر: شرفتنا وين ماكان,
يا شباب يللي ما حضر الحفلة .... عن جد .. راح شي من عمرو
ومو شي قليل
سهَّرنا أبو الأحباب السبت الماضي أحلى سهرة بالعالم
شكراً زياد العظيم
منحبك ومتل ما قلت إنو ما في طريقة تتشكرنا نحنا كمان مستحيل نلاقي طريقة نتشكرك .... مهما حاولنا
"""عيدا كمان"""...