معراج البطرك

-هلق ما فهمت.. يعني البطرك الراعي مش مواطن لبناني؟
-مبلى
-طيب والقانون اللبناني، ما بيمنع زيارة اسرائيل؟
-مبلى
-ايه؟
-ايه شو؟
-كيف رايح لكن؟
-معو باسبور تاني.. باسبور فاتيكاني

-اهه! يعني متل الغرين كارد؟
-ايا؟ الغرين كارد بس لاميركا. الفاتيكاني بدك تقول جواز روحاني. وبما انو الفاتيكان أعفوا اليهود من دم المسيح، ومعترفين باسرائيل .. فعادي.. بيروح..
-بس كيف بيوفق بين الباسبورين؟ يعني واحد معترف والتاني مش معترف؟
-بيضلوا يضربوه حتي يعترف!
- مين؟
- الباسبور اللبناني... شاطرين بالتعذيب هني.
-كيف يعني؟
-ما سمعت بالعميلين اللبنانيين اللي هربوا على اسرائيل يوم التحرير وبعدين عملوا يهود من شي شهرين تلاتة؟
-لا .. شو هاي؟
-ولو؟ انطبلت الصحافة فيهن: انو اتنين لبنانية قلبوا من مسيحيين ليهود. والمرا سمت حالها راشيل علي ما أظن والزلمة عوفاديا..
-اف! قوية هاي.. وليه عملوا هيك؟
-متل ما فهمنا انو احتجاجا على تركهم واهمالهم..
-ما فهمت! ما هني عملاء لاسرائيل وهربوا؟ كيف بدو يهتم فيهم؟ شو خصوا؟
-قلتلك. بدو يروح يشوف شو الموضوع
-ليش ما فيه يشوف من هون؟ يعني اذا وقف بكفر كلا او بمارون الراس بيشوفهن.. لا؟
-اكيد.. بس وجها لوجه احسن
-بس ما بيصير كلبناني يروح! معقول هيدا تطبيع
-ايه منشان هيك بيروح بباسبور الفاتيكان
-وهيدا باسبور الفاتيكان مين ما كان بيقدر ياخدو؟ ايه يعطوه للفلسطينية عنا...
-وليه! عم قلك الفاتيكان.. مش سامع بدولة الفاتيكان؟ شو خص الناس العاديين.. بس الرؤسا الروحيين بياخدو الباسبور
-آآآآه! غريب! (يفكر) وليه قباني وقبلان ما عندن؟
-(ينظر اليه مذهولا) المفتي قباني والمفتي قبلان؟ لانو اسلام..
-(غاضبا) العمى ما اوقحكن! نزلني هون..
-(يبتسم ) روق. هاي الدولة بس للمسيحية. بدك تقول عاصمة المسيحية.. كيف الكعبة عندك؟
-(يفكر) ومعقولة الاسرائيلية يحترموا هالشي؟ يعني وضعو الفاتيكاني للبطرك؟
-انشالله. لانو اذا قرروا يستقبلوه كلبناني وخاصة مصاقبة زيارتو بعيد التحرير.. يمكن يصير فيه متل المسيح السلام لاسمو.. بقصد رح يتبهدل منيح.
-(ساخرا) شو رح يعملوا له؟ رح يصلبوه يعني؟
-أكييييد لأ. لو نصرالله عملوها.. بس البطرك؟ ما بظن. الكارثة اذا بيستقبلوه كماروني.. هون! ع كل لازم ينتبه لانو اليوم دارج التصوير واليوتيوب.
-بس هوي رايح منشان شو؟ يعني رايح يقنعهم ليرجعوا ع البلد؟ اصلا لبنان سمح لكل الهربانين اللي مش ملوثة ايديهم بالدم انو يرجعوا. والمحاكمات شكلية.. وهياهم: يا ما هربانين رجعوا.
-والباقيين؟
-الباقيين مجرمين شو بدو فيهم؟
-ايه بس موارنة!
-يعني؟
-يعني الطايفة عم تعاني من الهجرة ومن الفراغ الرئاسي .. مش ناقصن.
-وشو يعني؟ بدو يقنع راشيل ترجع للمسيحية؟ بقصد للبنان؟
-يمكن.. على كل رح نشوف. اصلا بكرة، ينعاد عليك، عطلة الاسراء والمعراج.. يعني اذا حب البطرك يعرج ع القدس، ع اساس ٦ و٦ مكرر بمفعول رجعي مع الاسلام. بيكون يمكن قرر يقدم هدية عيد التحرير..
-لمين؟
-هيدا اول سؤال ذكي بتسألو من اول ما طلعت.
-وبعدين؟
-بعدين؟ لكل حادث خبير.

التعليقات
صورة المستخدم
1500 حرف متبقي
صورة المستخدم

مجهول - 6/3/2014 1:44:27 AM

من يحكم لبنان؟ من يتقاتل في لبنان؟ هل سألتم انفسكم مرة هذه الأسئلة؟ الجواب هو اللواء بشارة الراعي والعميد ركن قباني يسانده العماد نعيم حسن والمقدم قبلان. انعموا بهم فقد تركتهم لكم.

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

عباس عباس - 6/2/2014 3:54:09 PM

بحبك

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول - 6/7/2014 10:39:33 AM

وانا كمان.. ضحى

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

علام علام - 6/1/2014 1:36:38 AM

لم يعد يهم لا بطرك ولا مفتي اصبحت الرؤية ضبابية جدا جدا نجح مجرمون هدا الزمن بتجميل صورهم لأبعد مدى كل ما يهمني ان استمتع بكتاباتك الرقيقة ووجدت بأن هناك كثيرين معي

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول - 6/2/2014 10:34:10 PM

يعني حضرتك مصدق وراكب براسك إن البطرك عنده القدرة لتجميل صورتهم!!!؟

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

جمال جبران جمال جبران - 5/30/2014 4:13:46 AM

أشوف ،كل كم يوم إلى الزاوية اليسرى من هذا الموقع كي أرى لو الست ضحى شمس كتبت شيئاً جديداً. من يوم ستة أربعة،الشهر قبل الماضي يعني، لم أجد شيئاً،من يوم مقالة "وطن النجوم". فقلت علّ كآبة حلّت عليها فلم تعد قادرة على إدرار قلمها،أو كيبوردها من ذلك العسل الذي تسكبه على صفحتها فيظهر مقالها عسلاً في عسل. والله العظيم إنتي عسل يا ضحى،عسل أثيوبي حقيقي ومش مضروب. وان شاء الله يموت اللي بيكرهك. وتعيش جمهورية بداروا الشقيقة . جمال جبران من اليمن الشقيق

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول - 6/1/2014 8:40:20 AM

يخليلنا اليمن الشقيق والعسل الاثيوبي والنصب الاريتري . زميلي العزيز انبسطت بشهادتك. بس بين مقالة "وطن النجوم وهاي المقالة في كمان "املا الفراغ بالبيض المناسب"..بس معك حق عم طول! تفهمني! القرف من تكرار التاريخ القريب جدا. يعني الابتعاد عن وطننا الحبيب بيريح شوية. المهم... اشتقنالك ضحى

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول - 5/27/2014 4:26:41 PM

فاتيكاني - ممانع ستيريو نحن وفلسطين صاير فينا متل ايام حاجز المدفون : يلي هون بيتهموك انك كتايب وبتاكل قتلة، ويلي هونيك بيتهموك انك مرده وبتاكل قتلة، واذا تعطلت بتاكل قتلة من الحاجز . الله يهدك يا اسرائيل وسائر المشرق

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول - 5/27/2014 8:00:58 PM

في هضامة اكتر من هيك.. بتعرفوها من كتابتها للست جنى شاهين. مودتي

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول - 5/27/2014 5:41:26 PM

سقط سهوا" اسمي عالحاجز

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول مجهول - 5/25/2014 8:20:26 AM

كالعادة ستّ ضحى، كلماتك البسيطة والحلوة كافية للبحث في مشاكلنا وأمورنا الثلاثيّة الأبعاد، كافية لإلقاء الضوء على المناطق المُظْلِمَة أو المظَلَّمَة عمداً في مواضيع هذا المجتمع، المنقسم بشرخٍ ... لا بل بشروخٍ عموديّة وأفقيّة وفي كل الاتجاهات! شكراً لك. اسبرانس

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول - 5/24/2014 10:56:46 PM

يعني لو مااتحاسب على قانون منع التطبيع بسبب موقعه الديني والروحي يبقى لازم يتحاسب وفق قانون استغلال المنصب ، مش فيه هيك قانون ؟ لأنو استغل موقعه الديني لخرق قانون منع زيارة الاراضي المحتّلة ! أو يمكن الموقع الروحي محصّن من هالناحية ، يعني أكيد حاسبها منيح قبل مايروح

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول - 5/24/2014 10:38:48 PM

عيد بأي حال عدت يا عيد بما مضى ام لأمر فيك تطبيعُ؟ إذا شي خليه يرجع على الفاتيكان، او يخلي قعدته بلبنان رعوية محض وبلا ما يدخل بالسياسة... وشكرًا لك كالعادة انت صوتنا

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

ميشال جرجورة ميشال جرجورة - 5/24/2014 2:54:47 PM

أقل ما يقال بشأن زيارة البطرك المهينة للطائفة المسيحية التي يمثلها أولاً طالما أنه يعتبرها زيارة قداسة وللبنان المقاومة. المجد أُخذ منك يا سيادة البطرك!

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

فيصل باشا/برلين فيصل باشا/برلين - 5/24/2014 12:10:21 PM

الراعي بدو يمشي ع المي، يعني ما بدو فيزا،ولا باسبور،بس عندي اشكالية بزيارته بكرا بيصير بالبنان الكل يطالب بزيارة الاراضي المحتلة، بحجة ٦/٦ مكرر، يحق للراعي ولا يحق للطوائف الاخري،وهيك سوف يعود زمن المعجزات اسراء ومعراج، وطوف فوق المياه، بس احلى معجزة هي معجزة الصواريخ، ف ياريت كل طايفة تسعى لتطوير كم صاروخ لتحرير الارض،وهيك بيكون التوزيع عادل،حسن نصرالله اهدى النصر والتحرير للشعب اللبناني،بس اسرائيل ما زالت قائمة يجب تحضير الهداية لها، لانها هي تحضر لنا قنابل الموت.

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول - 5/24/2014 11:40:00 AM

رائعة انت يا سيدة ضحى! كلنا نسعى للكمال فيما نفعل وهذا اول مقال اقرأه في حياتي ينطبق عليه الكمال من كل النواحي. لم تتركي زيادة لمستزيد في الموضوع وكله مع خفة دم وظرافة وطرافة واناقة. انا اقترح ان تكون مسرحية زياد الرحباني المقبلة من كتابتك. بل ان "معراج البطرك" هي نص مسرحي رائع ويمكن البناء عليه ليعطي مسرحية طويلة وجميلة. اين انت يا استاذ زياد لتستفيد من المواهب الحقيقية كموهبة السيدة ضحى شمس؟ عيد تحرير سعيد وان شاء الله سلامة قلبه البطرك لانه قرأت في مقالك انه عم يعرج. لعله من اقرباء السيد نزيه المنتج في مسرحية "شي فاشل" والذي ظل مستر نور يشفط منه حتى لم يعد لدى السيد نزيه احدا ليأخذ منه فصار "ياخد من اجرو" يعني السيد نزيه صار ايضا يعرج. لعله سيعرج مع البطرك ايضا وستعرج معهم ستي العرجا العرجا "يا مفتاح الطبنجة." مع انني كنت اظن انها "يا مفتاح الطبرجا" لكثرة ما صدعوا رأسنا بالحديث عن الحضارة والتقدم في طبرجا وحسن "التعامل" في المعاملتين. وبعد ذلك بدهر اكتشفت وبعد ان راحت السكرة واجت الفكرة انه راحت الطبرجا واجت الطنبجة. وقد اتضح ان "حلقه شقلي بقلي، حلقه طير عقلي. يا ستي العرجا العرجا." وكل اسراء و"معراج" وانتم بخير.

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول - 5/26/2014 4:47:17 PM

يا سلااااااااااااااااام.. كل هيدا الحكي الحلو لألي؟ تسلم يا رب. متل ما بيقولوا الانكليز: يو مايد ماي داي! شكرا. مودتي

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول - 5/24/2014 10:14:50 AM

فليعد اذًا الى الفاتيكان او على الأقل فليحاكم محاكمة ولو صورية في لبنان. الخوف من ان تجعل هذه الزيارة الفارين من جيش لحد الى جالية لبنانية لها حقوقها... تبًا لهذا الزمن ويبقالنا وجودكن

اضف تعليق جديد
انقر للتصويت
صورة المستخدم
1500 حرف متبقي
شاركونا رأيكم