الى زياد اللبناني من زياد الفلسطيني

هذه الرسالة الرد، وصلتني من الزميل زياد شتيوي، احد كتّاب صفحات "مخيمات"، تعليقا على مقالتي السابقة هنا "ايه زياد..فْلّ". ولبلاغة بساطتها، انشرها هنا.

كيفك زياد. انا اسمي زياد كمان. يمكن انت ما بتعرفني ولا بعمرك شفتني ولا بحياتنا التقينا سوا. مع انو عمري من عمرك. انا السنه كمان، بطبق 59 سنة متلك. ويمكن حياتك احسن كتير من حياتي وعيشتي. والفارق اكيد بيناتنا كبير من حيث التربية والعيشة..
بعرف هالشي. وبعرف كمان انو انت ما بتآمن بالفارق الطبقي، لانك انسان بكل معنى الكلمة. وبعرف إنك من مناصري الفقرا ضد الزعما, انا فلسطيني من مخيم وانت لبناني بيعشق الفقرا وبدافع عنهن, ومتبني فكر اشتراكي هيك على علمي.
انا يا زياد - طبعا بدون القاب لاني بعرفك ما بتحب الالقاب ولا الفلسفه الزايدة والكذب والنفاق- انا عرفتك من زمان وكنت اتابع مسرحياتك واذا مش ناسي شي، بعتقد اني بحفظ مسرحياتك عن ظهر قلب. بس للاسف ما كنت اقدر احضرها لانو ما كان معي سعر التذكرة، مع اني كنت احاول اجمع، بس ما كانت تزبط معي. كنت اشتري الكاسيت عشان اسمعك وصدقني كانت كل الكاسيتات الاوريجينال عندي, بس لما تدمٌر المخيم انحرق كل شي عندي, بس اسمع الك حلقة ع التلفزيون اعمل جهدي اني احضرها مهما كانت, حبيت اسلوبك الساخر من هالواقع الزفت ويمكن بقدر اقول اني بتفق معك بكتير من طرحك بالسياسة وبالفن وبكل شي. حتى بالمسبٌات ايه, انا متلك ناقم عالوضع ومتلك مش عاجبني شي بهالعالم الاهبل. خاصة بهالايام الوسخة الي اختلط فيها الحابل بالنابل. بس انا ضد انك تفل!
ايه ضد انك تفل وتهرب. معلش سامحني انا بسميها هريبة.
اذا فليت دخلك وين بدك تروح؟ فكرك انك رح تخلص؟ انت عم تكذب على حالك زياد. واللي مثلك ما بيفل. اللي متلك بيبقى وهنٌي اللي بيفلوا. ايه ايه هيك المنطق والعقل بقول. ولمين بدك تترك الفقرا والمعترين؟ للزعما؟ يمكن انا مش لبناني لأتدخل . يمكن حدا يطلع يقلي وله يا فلسطيني؟ انت شو دخلك!؟ ايه يمكن. يمكن يطلع شأن داخلي.. وانا عم اتدخل بالشأن الداخلي وتصير قصه وجرصة. بس انا بحكيك لأني بحسّ حالي من جماعتك. والله ما تستغرب كتير. انو معقول يعني؟ ايه ليش انت حكر على اللبنانية بس؟ ايه انت النا كمان! طالما انت للفقرا والفقرا ما الهن وطن ولا هوية. عشان هيك بحكي معك.
زياد الفقرا والمعترين بهالبلد بحاجتك اكتر من اي وقت. وبعدين يا اخي مش على ذوقك تفل! شو القصة هيك يعني؟ على خاطرك؟ لا حبيبي. مش مسموح. اعذرني. بعدين يا حبيبي شو تغيٌر؟ ما انت من سنين طويلة بتحكيلنا عن ابو الجواهر ولحم بعجين والخندق.
ايه زياد، هاي صرنا بنفس الخندق. متل زمان على ايام الحركة الوطنية. ايه.. شو يعني؟ وين بدك تفل؟ اذا انت فليت وغيرك فل واللي زيك بفلوا.. فهمني: مين رح يبقى؟ وليش انت حبيبي مفكر حالك لحالك؟ يعني اسمحلنا فيها انو انت ملك حالك؟
خليك زياد وما تفل.. مع احترامي لرأي ضحى.
هني لازم يفلوا وانت لازم تبقى.

يوتيوب فيديو
"صمدوا وغلبوا"
غزو تحي زياد
التعليقات
صورة المستخدم
1500 حرف متبقي
صورة المستخدم

مجهول - 10/13/2014 1:27:24 PM

يعني بيولد من جديد اذا راح؟ بيتغير العالم وبيقرا غير اخبار بالجرايد؟ أو ببطل يقرا أخبار؟ هو يمكن بيتمنى يبطّل يقرا أخبار بس ما بيقدر. "كل امرئ ملاقِ ما يفر منه في فراره" (علي ابن ابي طالب)

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول - 10/13/2014 1:22:40 PM

اللي رح يبقى من الرواية يازيادنا الفلسطيني هيي قصص زغيرة عم بتشرّدها الريح

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مغتربه مغتربه - 10/13/2014 12:18:10 PM

تحيه من القلب لزياد الفلسطيني من لبنانيه. مين قال إنّو ما لازم تقول رأيك ؟ هيدا حقك كإنسان يقدر الفن والفنانين المناضلين الشرفاء. أصلا زياد الرحباني لا يمثل هؤلاء الذين يعتبرون كلامك الجميل تدخلا .. زياد لك ولي ولكل احرار العالم.. ويللي ما عجبو يفل دون رجعه !

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

زياد الفلسطيني زياد الفلسطيني - 10/13/2014 3:06:58 PM

شكرا من كل قلبي على محبتكم

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول - 10/13/2014 10:25:52 AM

أنا شبه أكيد أنه الفقرا والمعترين هم المسبب الأول للهجرة

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول - 10/12/2014 9:18:23 PM

اناحققت حلمي وحضرت حفلة زياد ب7-2009 واكتر شغلة فاجئتني انو ما بس جيلي اللي هو جيل زياد بس اللي كانوا بالحفلة. كان من عمر المراهقين وهدول اكتر شي لحتى جيل الختيارية واكتر من هيك كل طبقات المجتمع الفقير والغني. زياد يمكن مايتفاجأ بتنوع جمهورو بس انا تفاجئت والمسألة بتخصني لحالي انو انا مالحالي اللي ربيت على العقل زينة وفيلم اميركي طويل ونزل السرور و ..و.. طلعت كل الشام متلي

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

N N - 10/12/2014 7:52:15 PM

وأنا سورية.. ولما اشتغلت بالإمارات، صار معي سعر تذكرة لحفلاتك وحفلات الست فيروز! ومن كتر القهر على 33 سنة الماضية من عمري يللي كنت احلم فيهن اسمع موسيقتك لايف والتقي فيك، حضرت حفلات الشام كلها، لا حفلة ولا تنتين..! ولما كنت عم تعزف بأبو ظبي كنت كل ليلة كون أول وحدة! خربت بلدي وصار "زياد في دمشق" حلم من جديد.. هلأ الحلم بدو يموت متل ما عم تموت نفوسنا.. بدك تتركنا ونحنا ما إلنا غيرك وغير موسيقتك... ليك ما بدي كون أنانية وقلك لا تفل، بيهمني كتير سلامتك وحلم زياد الموسيقي. إذا حاسس رح تحقق شي من يللي براسك هونيك ورح تكون سعيد، روح ولا توقف واتأكد إنو نحنا رح نكون كتير سعيدين ويمكن تكون الفرحة الوحيدة الباقية بحياتنا.... كل التوفيق..

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

ابن النيل ابن النيل - 10/13/2014 3:37:47 PM

ان مايحدث فى سوريا جعلنا كمصريون لانعرف طعم اللقمه انا كمصرى لم اذهب الى سوريا ابدا الا انى اشعر وكأن حائط هام فى منزلنا قد وقع وان حائط اخر يرمز للعراق قد وقع هو الاخر انا اخجل ان اقول ان لنا حكام عرب مسلمون سواء شيعه او سنه بل اعلم انه يحكمنا الان من لايستحق ان يكون عربيا او حتى مسلما

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول - 10/13/2014 11:38:22 PM

المشكلة الأكبر في هذه الشعوب الجاهلة برأى المشكلة الأكبر في هذه الشعوب وبدليل ان زين الدين بن على قد ترك الحكم مسرعا وبدون حرب ونلاحظ ان وضع تونس على كل المستويات اسوء من زمن بن على وخاصة بالنظر للوضع الاقتصادي والجريمة والارهاب وكذلك اليمن. وبالنظر الى البلاد الاخرى التي حث بها حرب كليبيا فالوضع السيئ لا يمكن مقارنته بوضع البلاد على زمن القذافي وطبعنا لا يمكن ان نتجاهل فعل الطابور الخامس للدول المعادية او المنافسة لنا... اما بالنسبة لسوريا فالسورين كانوا يعيشون في مهد المسيح عليه السلام .....رأي هذا وانا كنت من المحسوبين على الفقراء في سوريا.

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

حسان ناصر حسان ناصر - 10/12/2014 6:42:12 PM

الى زياد الفلسطيني: مبلا لازم تتدخل. وعنصرية البعض مش لازم تمنعك ان تتفاعل مع زياد ومعنا. زياد الك متل ما هوي إلنا ومش لازم يفلّ. معك حق. تحيّاتي.

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول - 10/12/2014 6:18:05 PM

انها رحلة البحث؛ لا تلوموا الباحث في الوقت الذي لا تعرفون مما يعاني منذ سنين، انا لا استطيع ان اجزم هل هي رحلة البحث عن وطن خارج اطار الشجر والحجر ومن اجل البشر، ام رحلة البحث عن رغيف خبز غير مغموس بالنفط الخليجي الممزوج بالدم العربي، ام رحلة البحث عن الامن النسبي في العقد السادس؟ الجميع يجتهد في اتخاذ موقف؛ مع او ضد، وأنا اقول الى اللقاء زياد، كما كنت ستبقى؛ الرائع المبدع، وشكرا لكل من يهيئ الظروف لزياد كي يبدع اكثر وأكثر.

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

زينب مدني زينب مدني - 10/12/2014 3:25:03 PM

هني يللي لازم يفلو، لي لتفل وتتركنا؟ انا لبنانية و كمان ما معي سعر تذكرة ﻹحضرك بس بدي إلك ياريت ماتفل زياد وتتركنا

اضف تعليق جديد
انقر للتصويت
صورة المستخدم
1500 حرف متبقي
صورة المستخدم

مجهول - 10/12/2014 4:34:50 PM

انت معزومة ع اول حفلة بيعملها زياد بالمستقبل. ما بيهون عليي المحبين ما يقدروا يحضروا. مودتي

اضف تعليق جديد
انقر للتصويت
صورة المستخدم
1500 حرف متبقي
شاركونا رأيكم