طارق سويد ينضمّ إلى lbci



في الصيف الماضي، صوّر طارق سويد (الصورة) حلقة تجريبية لبرنامج جديد سيُعرض على قناة lbci. لكن ذلك العمل التلفزيوني لم يُبصر النور في برمجة الخريف الحالي، ولم يحدّد بعد موعد بثّه.

في السياق نفسه، كتب الممثل على صفحته على فايسبوك تعليقاً قال فيه: «في 2001 أوّل ظهور إلي عالشاسة. شاشة lbci ككومبارس متكلّم، جملة وحدة قلتها بوقتها وبعدني ذاكرها كتير منيح، كانت «ما بعرف، هيدا كل اللي بعرفو». بس كنت عارف كتير منيح انو السلّم بدّي اطلعو درجة درجة». وأضاف الممثل: «من كومبارس صامت، لمساعد إكسسوار، لمساعد إنتاج، لكومبارس متكلم. اليوم وبعد 16 سنة من التعب، المثابرة والشغل عالذات اللي ولا يوم رح يوقف، بعلن إنضمامي إلى عائلة lbci، كاتب وممثل وإعلامي». ولفت سويد إلى وجود «برنامج جديد، كتابة مسلسل جديد، ودور تمثيلي وتحدّي جديد. ولا يوم توقّف تحلم، حلام، بس الأهم تشتغل وما تستسلم لتوصل تحقّق حلمك. خلّي عيونك لفوق لفوق، إجريك عالأرض واشتغل عَ حالك وعَ حلمك لحتى الحلم يصير واقع».

ميديا
العدد ٣٢٩٦ الخميس ١٢ تشرين الأول ٢٠١٧
ويب خاص بالموقع

ابتداءً من تاريخ 30 تموز 2015، تم إيقاف التعليقات على المقالات مؤقتاً نظراً لبعض الصعوبات والتعديلات التقنية، يمكنكم التعليق وإبداء الرأي والتواصل مع الكتاب عبر صفحتنا الالكترونية على

فايسبوك ( https://www.facebook.com/AlakhbarNews)، أو عبر البريد الالكتروني: [email protected]