حسن سعدالسنة الجاية انتخابات
و متل ما بيقولو
اللي فات مات
زفتولنا ادّام البيت
ووعدّونا يجيبو الكهرباء
و سرّعولنا معاملة الهويات
صدّقنا وحضّرنا الشنتات
و نسينا إنو هنّي
عملولنا الديونات
حيركضونا متل العادة
ورا الاعاشات
يللي سرقوها
وقت حرب الاتفاقيات
من كم شهر
إجوّ تينتفو بعضن
واليوم كلهن حابين بعضن
ونحنا بين الناس
يللي قتلو بعضن
ومنصدق كل شي بينقال مننّ
ورح نرجع نطلعهن
على مقاعدهم
ونقوّصلن لمّا يقولو خطابات
ونتفاجأ
بالمخابرات أدام البيت
ونحاربلن وقت يعصبو
وعلقبر
يللي مات مات
وأولادنا يولعولهن بالشوارع
وأولادهن عالحرير قاعدين
وآخ مين بدوّ يسدّلي الديونات
ومعاشي ما بيكفي أجار البيت