متعودين ننضرب

من غير ما نشكي
لأنو في ناس
متعودين يقلولك أو يقنعوك
انو فش لمين تشكي
ما هي دوله عنصريه
أو مش راح تحصل شي
فاستنتاجي الشخصي
انو كلمة متعودين
هي موت لكلمة تحدي
ففكر شوي
جرب امتحن عقليتك
أو شوف إذا هي عقليه متعوده
واذا طلع انك انت متعود
فإنت بمثابة فرشة مريحه
يتمدد عليها الاحتلال
والسؤال:
امتى راح تصير غير مريح.
وأنا في المقابله الجاي مع ستي
وبالحديث معها عن غزة
سأتحدى مثلها
وأصححه وأقول
«ليس غزة بل عقلنا من غزاه البين»

محمود جريري (دام)