عظمة إنفجار مولوتوف بدو شعلة صغيرة
غريبة النظافة
من دون وسخ تحت الأظافر
مخيفة الروايح
من كتر التنشّق صرت دايخ
سخيف إحساس السلام
بنظام ببثّ سراب الكمال محل الكلام
بتشريع حقوق لناس
من الأساس إسمهن شواذ
كرهين الأشخاص
القادرين على تغيير الأشكال
حسب المكان
حزين غباء أصوات تخبّط حيطان
ما في مين يخبرا
إنو تحولت لصدى
مشكر مشهد كسرحية
والبرادي مسكرا
مستحيل إحلال سلام
بوقت حرب وما حدا ينتصر
مضحك منظر بسّة
تعلم سمكة سباحة
وبالنهاية البسة غرقانة
بسيطة فكرة
إنك تطلع من راسي

مولوتوف (كتيبة 5)