ما بدي كل حياتي دلني عم بركض ورا حلمما بدي لبنان يلي بس بعرفو من ورا إسم
ما بدي لبنان يلي عالخريطة مجرد رسم
بدي وقت يعرفو إني لبناني إرفع راسي وإبتسم
ما بدي كل يوم الصبح كل ما اوعا وفتح عيوني
ع خطوط التماس لاقي محمد عم يقوس عَ طوني
شرقية غربية وبأي لحظة بخونوني
بدي لبنان بلد علماني حتى كل العالم يحسدوني
ما بدي مظاهر أمنية بتذكرني بإيام الحرب
ما بدي سلاح فردي او تابع لشي حزب
المصدر الدول العربية او مستورد من الغرب
ما عرفنا كيف خلصنا من الحياة الوسخة رجعو طعمونا الضرب
ما بدي يضل بلدي بلد الفتن
والشعب اللبناني كلو عم يدفع الثمن
ويلي بيقهر اكتر من هيك ويلي بيسم البدن
كلو كرمال مصلحتو بيدعس ع جرح الوطن
ما بدي يضلو يتحكمو فينا كأننا شي لعب
عم يسيطرو ع أفكارنا حابسينا بِعلب
بيوقفونا بِوج بعضنا وبيصير الدم للركب
وما بينحسب المشكل بلا قتيلين من دون سبب

باسم ماضي