عطّاحونة يا تعيس شفتك دايخ عطّاحونةعمتدور بلا وعي بفراغ حلقة مجنونة
عمتطحنلو دمع عيوني لهيداك ابن الملعونة
لاحق لقمة ما بتوصلّا غير معجونة بالظلم
انسانيتك بس بالاسم
قدّام جلادك عميبتسم
اورشليم ناطرة الحسم
مش بالحقد والحكي
بالايمان والحزم
تسعة الاف يوم وما في ليلة دقت النوم
خلّي البوم يلوم فرخ البط بيعوم
ما في مادة بتدوم غير معدة المعدوم
بتصير نار وغار
ايد مرفوعة للجبار وايد مزروعة بالأرض
من الغيوم بتقطف دوا
تشفي في كلّ مرض
هيدا موسى اللي قال علقو الشمس بحبال
واشنقوها علخشب
بتموت الشمس بهلحال
ولا بيسودّ الحطب؟
هو كتب وغيرو كتب
ونحنا غرقنا ببير العتب
شفاف الفتنة بترضع كذب
بدم الناس العم ينسكب
أحمر متل دمع العنب
بيطبع عملة بيسبك دهب
يا للعجب.

«صابون بلدي»