فطورو زعتر قهوة مرّة وريق مش مبلول،هيك بيخلق الصبي
معفّن وطالعه ريحتو،
ما فِنيش أتلفن لعالم الصباح
حتى أعرف مشكلتو،
مش لإنو هنّي سخيفين،
بس مش عارفين،
قبل بمرّة عَطوني معلومات عن ولد عمرو ستّ سنين،
مش فاهمين إنو الولد بيخلق عنّا عمره عشرين،
كلّو مليان أمل
جاهز يدوّر على العمل،
وجّو بالصورة مجعلك شويّ، لإنو كان فايق من النوم،
بعدو متأهّب وعزيمته مشدودة مش بوضعيّة الاستسلام،
صورة الهويّات هيك بتيجي،
ما تلئيش عليّ اللوم،
كان في فسحة إدّام بيتو، يحب يسرد فيها يقعد،
لكن إجا جيران جدد وحد الجيران الجدد عم يجي بعد،
ما تواخزونيش معقّد،
عندو مشكلة مع المفاتيح،
لا إذا حطّو بجيبتو بيكون راضي ولا إذا تحت المخدّة بيكون مرتاح،
نفس الإسم عليه وعصحابو وعكل اللي بيقربوا بينزتّ،
شي يوم الصورة بترجع بترتدّ.
أسلوب (كتيبة 5)