مازن السيّدبقرا عيون الناس
متل كتاب مفتوح
بسر واحد عمبتبوح
وين ما تروح
الحب مفقود منخور الدود
مفقوس بالسوس
سوس الفلوس
ما بنشوف إلا روس
عمبتطير وكلو بيحكي بالحرية
وكلو بيحكي بالتغيير
وكلن باعونا الحقيقة بشوالين شعير
ما بيصير نسمي الذل حرية
نركِّب الله عالحمير
مشغولين بالتكفير
مش فاضيين للتفكير
في سحبات للتصوير
وعقول للتخمير
في بترول للتصدير
وجنازير للتعبير
في فقير للتدعيس إيد الغني للتبويس
لِك بموت كبيس ولا بعيش حبيس
خوري شيخ أو رئيس
رب الكل رب واحد رب قلوب يا تعيس
رب الحق الجمال والعدالة