شعارات لا تحصى دوّت في شوارع مصر، أمس. هنا بعض ما أطلقته الحناجر الغاضبة رفضاً للقمع والفساد والمستوى المعيشي المتدهور وتزوير الانتخابات والسياسات المعادية للمقاومة«عبد الناصر قوم وشوف، حسني خاين عل المكشوف... لا تنديد ولا استنكار، اللي بينفع ضرب النار... يا مقاومة شدّي حيلك، لو فتحولنا الباب هنجيلك... ياللي صنعتم العبور، لازم يبقى ليكم دور... اللي يدين الضحية، يبقى بايع القضية... اللي رافع راسنا مين، دولا ولادك يا فلسطين... مطالبنا بدون مساومة، لازم ندعم المقاومة... مطالبنا بدون تغيير، غلق وزارة وطرد سفير... يا حماس يا هنية، إوعوا تسيبوا البندقية... يا صهيوني يا مغرور، جايلك صناع العبور... أه يا حكومة قطع الأيد... أنت يا مصري إيه أفكارك... ثورة مصر جاية جاية، بالعدالة والحرية... خالد سعيد مات مقتول، ومبارك هو المسؤول... حكم 30 سنة في هذا العصر، هو إهانة لشعب مصر... واحد، اتنين، الشعب راح فين... ارفع صوتك زي الناس، إحنا كرهنا الظلم خلاص... صحّي الخلق وهز الكون، مصر بلدنا مش هتهون... يا أهالينا يا أهالينا، ضمّو علينا ضمّو علينا...
ثورة ثورة حتى النصر، ثورة في كل شوارع مصر... يا أبو دبورة ونسر وكاب، إحنا إخواتك مش إرهاب... بطّل تمشي جنب الحيط، أصل سكاتك مش هيفيد... حرية أهالينا عايزين نخلص من بلاوينا... كفاية ارحلوا عنا، الحزب الوطني خربها...الإصلاح بقى شيء مطلوب قبل الشعب ما ياكل طوب... يا وزراء طفّوا التكييف، مش لاقيين حق الرغيف... يسقط يسقط الاستبداد... بالطول بالعرض، هنجيب النظام الحاكم الأرض... اصحوا وفوقوا يا مصريّين، مش هنقول للظلم آمين... الطلاب ويّا العمال، ضد الفقر والاحتلال... يا وزير داخلية مصر، الحرية لشرفاء مصر... ثورة ثورة حتى النصر، ثورة في تونس وفي مصر... ارحل ارحل عنّا يا ظالم... ثورة ثورة يا مصريين، على حزب المجرمين... حدّ أدنى للأجور، قبل ما الشعب يثور... عايزين علاج كويس، عايزين تعليم كويس... إلغوا إلغوا الطوارئ... حرية، حرية»...