قوموا آندِبوُا بيروتْ

عمْ يٍِِخْلَصُوا صْحابا
وِخْيَالْ دونكيشوتْ
واقفْ عَلى بُوابا
بْيٍخْطُف يَمين شمالْ
بيُخلُطْ شَرِقْ بِغرُوبْ
واحِدْ ورا واحِدْ /
قالُوا: أنا .. وراحوا

الشحّاد شُو شاحِد
غير رِيشة جناحو
فينا حِلِتْ بيروتْ
عا فَرْشة دْموعا
وبيوت فوق بيوتْ
عالرّمش مرفوعة
وأَلله دخيْل آجْرَيْه
حافظْ أسامينا
كِلْما ركضنا لَيْه
بيُركُض يلاقينا
قوموا آفرَحوا بْبيرُوتْ
شَمْسَا... وْفَـيِّتْها
مَيِّتْها لمّا يموتْ
يدُوق مَيِّتْها.