IV


«قريت الجريدة؟»
«أنا ما بقرا جرايد! ليش في شي جديد؟»
«ايه.. أعلنوا الانتخابات، شو مش رح تنتخب!؟»
مين بدي انتخب؟ ليك اذا جاي ت تعلّلّي قلبي بالسياسة مثل كل مرة فا من هلق سكر النقاش وتركني اشتغل
- طب قلي مين بتتوقع يفوز بالانتخابات!!
- يعني انت عارف النتيجة وجاي تستفزني؟ اذا هو الي يطبل ويغني ويرقص احنا شو دورنا؟ غيرلي هالموضوع يكفي
والا قلك أنا أدمنت، خليني وصي على قهوة من جارنا وارجعلك...

- أنا مستوعب كلشي عم يصير، بس في شغلة صارلي 3 سنين عم حاول افهما وما كنت اعرف، المجتمع الدولي يطلّع طيران كرمال الأقليّات، انو بيقتل الأكثرية للحفاظ على الأقليات؟ شو هن نوع من الفيران وخايفين عليهن ينقرضو!؟ ما كلياتنا بشر!
في شغلة تانية كمان ما فهمتا منيح! انو حسب ما قريت بالتاريخ الحسكة هي منطقة تابعة لسوريا، وأصول أصولها بترجع ل العراق، طب اخوانا الأكراد أنا للصراحة ما درست تاريخن بس بيكفي اني ادرس تاريخ الحسكة ل أعرف انو ما الن حق يحاولو يجتاحوها، ما عندن بلد اسموا كردستان؟ بس أنا بقول انو هن بيعرفوا حالن أقلية، والتحالف ب ضهرن قامو إجوا علينا وجابولنا البلا...
وفي شغلة كمان تابعة، شفتو بعيوني عم يمشي على اجرتين وعندو راس وعيون مثلنا يعني انسان، وعلى فكرة أنا بصنفو من الأقليات تعرف ليش؟ لأنو لما اجتو الشظية ومات، ما كان معو حدا غير بنات أخوه الصغار، قولك ما بينحسبو أقلية؟ طب ليش مات؟
- تعرف انك خارج التغطية
- من أكثر من 3 سنين ناسي حالي سايلنت ولما قررت احكي صرت خارج التغطية.


* لرؤية الصور، يمكنكم زيارة الموقع الإلكتروني:
www.zakira.org