العودة الى الاخبارسفق، طرق؟ شو بينقال بالعامية لهالشي؟ المهم، اجترح.. خلينا نقول، نديم الجميل ابن الشهيد بشير الجميل، وبمناسبة احياء ذكرى الإبادة الأرمنية، التصريح التالي «على الدولة التركية الاعتراف بالمجازر» التي ارتكبتها بحق مواطنيها الأرمن لأن ذلك « هو مطلب حق» كما قال في بيان. كما طالب «العالم (الاعتراف) بتلك المأساة وخصوصا الدولة التركية». كون هالاعتراف شي اخلاقي. عال. نديم الجميل؟
-ايه نديم الجميل.
-وين المشكلة؟
-ابدا.. ما في مشكلة. بس لو مش ابن الشهيد بشير الجميل، مؤسس القوات اللبنانية.
- شو يعني؟ شو بدك بالصبي؟
-ما بدي شي. بس انو ما معو خبر بشي اسمو حاجز البربارة؟
-ما فهمت! شو هيدا حاجز البربارة؟
- صحيح انت خلقت بالتسعين، شو بيعرفك بحاجز البربارة؟ هيدا حاجز بين طرابلس وبيروت، كانت مهمته «فلترة» المارة من المواطنين اللبنانيين: «المحمودات» على جنب (ع اليمين عادة)، والإدوارات على الجنب التاني. بعدين، بتجي المرحلة التانية، اللي كانوا فيها يفلتروا الإدوارات شخصيا، اللي مش مع القوات اللبنانية، بيصير سعرو بسعر المحمودات. بعدين بيبعتوا المحمودات، والإدوارات اللي بيشبهوا المحمودات، الى جهات مجهولة ما يرجعوا منها. او يشلحوهم بشي بير مهجور، او يكبوا فوقهم صبة باطون، او عندك بحرية يا ريس، او وهيدي اوبشن كانت موجودة، يبعتوهن لعند الرفاق باسرائيل، كنوع من التبرع والتعاون والأخوة.
-أوففف! س انو الصبي شو الو علاقة؟
-هوي شخصيا ما الو علاقة، هو معتر، واصلا اكيد ما خبروه شي. وصرلوا فترة عم يبلُغ، ويحاول يبلغ مكان الوالد الشهيد، اللي برايو قاعد فيه ابن عمو اللي كمان قعد محل شهيد. فإذا ولا للبد، والقصة اخلاقية متل ما عم يقول، وانو الناس الها حق تعرف، يعني في حل من اتنين: يا اما ينزل الخميس على خيمة الأسكوا مع اهالي المخطوفين، (وعلى فكرة في كتير بيناتهم أرمن، يعني الغرض الإنتخابي متوفر) يا إما.. إنو خلص مدام سولانج، صار لازم تخبريه للصبي، ولا لأ؟
يعني يا خبريه يا ضبيه.
أرمن وفلسطينيون
سلوى بيضون سلوى بيضون - 5/16/2015 5:22:50 AM
حدا يضب الصبي وإمو وابن عمو وعمو والعيلة كلها... المشكلة إنهم ما بيتوبو.. شعارهم (أمن اسرائيل أولا ). - ما معاني المفردات التالية : صبرا - شاتيلا- تل الزعتر- ضبية- الكرنتينا - المسلخ-رشيد- كرامي- الصفرا-سيدة النجاة -c.i.a- موساد- الأرمن- الفلسطينيين...خلص بيكفي.
| انقر للتصويت |
بعلمي القصّة كانت ستيريو
غسان أبو العلا غسان أبو العلا - 5/10/2015 4:31:17 PM
طبعا أيامها إنتو كنتو في خندقٍ واحد مع القوى التقدميّة المقاومة للرجعيّة العربيّة والإمبرياليّة العالميّة . وما كان عندكو حواجز .
| انقر للتصويت |
بعيدا عن الموضوع و السياسة
كارلوس المغربي كارلوس المغربي - 5/4/2015 5:48:54 PM
بعيدا عن الموضوع و السياسة ووجع رأسها و لبنان و مأساة سياسييه عيد ميلاد سعيد ست ضحى ان شا الله ينعاد عليك
| انقر للتصويت |
معلش بدي علق مره تانيه انو
مجهول مجهول - 5/2/2015 7:27:51 PM
معلش بدي علق مره تانيه انو مدونه ضحى بعدا عم تاخد كنير وقت تا تفتح عالنت وبرضو تا حتي يفتح المقال ونقدر نكفي قرايتو. يعني ست ضحي ،،،،،،،المؤامره على مقالاتك القليله جدا اصلا لا تزال مستمره، ولو ما انو الواحد بالاخير بيكون متأكد انو رح يقرأ شغله مختلفه وبتساهل التعتير كان ما بحب يتعتر هالقد
| انقر للتصويت |
صرلي شي كم ساعة عم حاول اكتب
مجهول - 4/29/2015 1:53:17 PM
صرلي شي كم ساعة عم حاول اكتب شي. فيني ما اكتب، بس ما فيني ما اكتب. (مش حزورة). قررت انو حل لغز الكلمتين باول مقال الدفاع عن الطفولة. سفق عادة تستخدم للسياسي يلي بيسفق سفقة من المال العام. طرق عادة تستخدم للمجرمي حاجز البربارة. طرقو قتلو لعن السنسفيل تبعو. فقع هي الكلمة يلي يمكن عم تدوري عليها. فقع خطاب دوخنا. فقع اووف طربنا. وهيك.. اليونيسيف لازم تتحرك.
| انقر للتصويت |
فقع صح
مجهول - 4/29/2015 5:36:49 PM
صح. هياها الكلمة اللي كنت عم دوّر عليها. شكرا فقع يفقع فهو فاقع. صوت الفقع عادة مدوي.. صحيح. مودتي
| انقر للتصويت |
وغير الصبيان يا ضحى
مجهول - 4/28/2015 1:42:13 PM
ولقد رأينا حشودا أرمنيّة برموزها محتشدة للاحتفال بذكرى المأساة، تحت رعاية جعجع نفسه، وفي دياره العامرة، ليقوم خطيبا في الناس، منتصرا للحقّ الّذي لا يموت ولو طال عمره فوق المئة!! هذا ممّا تسمّيه اللغة -على سبيل التبسيط- مفارَقة!
| انقر للتصويت |
الي هيفاء
مجهول - 4/28/2015 8:47:23 PM
هيدا اسمو قصر نظر تاريخي، وتضليل للمسار الطبيعي. المحل المربوط للآرمن بجانب الفلسطينيين.
| انقر للتصويت |
ست ضحى وانسة هيفاء: هيدا ارمني ستيريو
مجهول - 5/25/2015 3:53:43 PM
الارمن الذين حضروا تحت رعاية سمير جعجع هم ارمن ستيريو: "كيف أرمني ستيريو؟ ستيريو. هيدا لبنان هيك صارِت .. ستيريو. إجِت بدو بشتغل كرمال لبنان كلّك.. يا حمار يا زافين صار خازوق ستيريو." يا ضيعان الشوم.
| انقر للتصويت |
الله يسامحك ا، نت قصدك فخامتو
مجهول - 4/28/2015 1:01:47 PM
الله يسامحك ا، نت قصدك فخامتو تبع السبت الأسود ، ومجازر الكرنتينا ،والمسلخ ، وبرج حمود والنبعة ،ولا قصد تبع الصفرا وزغرتا ، او تل الزعتر ، هذا هو ذاته تبع البربارة ، ومرته ايه صولانج ما غيرها كانت تقطش ذينيين الناس ، ما غيرها يلي كان شارون يحب اكلاتها ، ويلي بسببه وبعد ما زفوه رئيس على الدبابة الاسرائلية ، إجى واحد شبعان من حلبب امه ونسفه ايه بس بسببه راح شي 3000 بني آدم بعد موته بصبرا وشاتيلا يعني الله اعلم قديش كلف هالبلد شهدا ريتو ما خلق لشو هالخلفة اما اذا بدك تكفي بالعيلة ما بتخلص القصة من الجد بيار للعم امين نيرون الضاحية ايه ما غيرو يلي انفكت رقبته ب 6 شباط .... الله وكيلك قصة ما يتخلص فيي ضل اكتب لبكرا الصبح ...
| انقر للتصويت |
يعني الصبي زكي بس حمار
فيصل باشا/برلين فيصل باشا/برلين - 4/28/2015 11:42:43 AM
الصبي منو غبي ابنك حمار يا سولانج يعني زكي الصبي بس حمار، اذا ما بدك تخبريه عن صحن التبولة ولا عن الحوض الخامس ولا عن حاجز البربارة ولا عن مآثر القوات بالمجازر ضد المحمودات والادوارات وعن تفجير الكنائس والجوامع ثأفيه أعطي مثلا كتاب "كرة الثلج" حتى يعرف هويته اقل الشي وما تعطيه كتب فيها شي عن مخيم "تل الزعتر" ولا شي عن مجزرة "صبرا وشاتيلا" كونه زكي بخاف عليه ينصدم بتاريخ عائلته يقوم ينتحر خليه مقتنع انو هو ابن شَهِيد وانو كانوا مقاومة ضد السوري يلي هنى جابوا بركي بيصير عندو احساس وبيتضامن مع امهات "المفقودين" دون دواعي انتخابية بس١٧٠٠٠ مفقود ومختفي قسرياً أكيد مش كلهم بسوريا في منهم بمقابر طمها ابوه متل ما طمروا النفايات السامة. خبريه او ضبيه بركي يصحى إنّو لبنان لازم يتحرر من إنّو يكون بمشيخة ال سعود وحاج بقى مقضاينها بصالونات أمراء الخليج ع شحادة، ضبيه أحسن منشان ما تصيبه العين من كثرت الزكا!
| انقر للتصويت |
لا ما تخبروه
مغتربه مغتربه - 4/28/2015 11:18:36 AM
عدم المؤاخذة ضحكت رغم ذكري الحرب الحزين .. أسلوبك رائع في الوصف .. بسيط وجميل و فيه سخريه مهضومة . بلا ما يخبروه لان ما في فايده " دقي ألمي هي مي " كما يقول المثل الشعبي .. ارحموا هذا الشعب وضبوه هو وأشكاله وخلصونا
| انقر للتصويت |
إنه كيف بيطلع شهيد
فريال فريال - 4/28/2015 10:21:11 AM
يعني ما تواخذيني آنسة ضحى، إنه كيف بيطلع معك بالآخر إنه بشير الجميل (شهيد)ّ؟ معليه، كل عمالته وحاجز البربارة وماخفي أعظم بيطلع معك ( شهيد)؟؟ كثير شوي ما هيك؟؟؟
| انقر للتصويت |
شهيد؟ ولو؟
مجهول - 4/28/2015 11:28:27 AM
يعني يا حياتي يا فريال... خبريني؟ انو لازم سبللك اياه مباشرة حتى يبين معك معنى المقال؟ كتير شوي ما هيك؟
| انقر للتصويت |
أحلى ضحى واللّه
فريال فريال - 4/30/2015 11:05:55 AM
آنسة ضحى، كل القصة إنه غصّيت لما قرأت كلمة شهيد، المقال أوضح من نور الشمس ولكن، أنا بعتقد إنه لو وضعت شهيد بين قوسين لكانت أجمل وأتت في موضعها، بلا قوسين في هذا المقال مش راكبة، وكأنها مدحوشة دحش..وبس تحطّيهم مش مضطرة تسبّي . للعلم فقط، أنا من الذين يطول إنتظارهم لمقالاتك القليلة، وأتساءل لما كل هذه المدة حتى تكتبي؟ يكفي أن تخرجي من البيت مرة واحدة في اليوم حتى يكون لديك مادة دسمة للكتابة، وأسلوبك في الكتابة الذي يشبه أسلوب حبيب قلبي الكبير زياد الرحباني وأنا أعرف بأن الكل يقول لك ذلك ولكن، بنظري أنت أبرع في الكتابة مع كل الحب لزياد، يعني شي بيشبه بس مش مثل، وفيه روح أخرى غير شكل. أرجو أن لا أنتظر كثيراً مقالك التالي، حبي لك.
| انقر للتصويت |
هلق عادة انا بحط مزدوجين، معك
مجهول - 4/30/2015 2:45:29 PM
هلق عادة انا بحط مزدوجين، معك حق، بس قلت انو معقول هالقد مش مفهوم حتى حط مزدوجين؟ اعتبرت انو القاريء ذكي، ويمكن تذاكيت انا شوية. المهم. شكرا للمتابعة، وبعتذر عن انتظارك، لأنو معك حق عم طول. هلق ليش؟ لأني مواطنة كمان بهالبلد، وبيحقللي من وقت لوقت اني إكتئب وأمتنع عن الخروج الى المجتمع. يعني صار بدها طاقة خاصة على إحتمال التفاهة والكراهية والجهل، مع تكرار المشاكل ذاتها ولكن على اسوأ. مودتي لك
| انقر للتصويت |
ما زبطت معك هالمرة !
مجهول - 4/28/2015 9:30:51 PM
العزيزة ضحى، يعني يا إما مسبة أو كلمة شهيد؟ إذا ما بدك تقولي شي تاني فلا أقل من حرمانه من صفة الشهادة. الشهادة سر عظيم ما فيها مزح، على رأي محمود درويش: "هل كلنا شهداء؟" أكيد لا وأكيد مش بشير الجميل و من لف لفيفه. تقبلي مودتي
| انقر للتصويت |
بينلعب للأحلى
مجهول - 4/29/2015 5:43:04 PM
ما تواخذيني بس الكلمات انعملت مش لتبقى كل واحدة لوحدها. في شي اسمو سياق. ولما السياق بيفيد السخرية بيكون كأنك استعملت كلمة ساخرة بس ابلغ. ولما بتستعملي كلمة بيستخدمها الشخص موضوع المقالة بغير وجه حق، وبسياق ساخر، بيكون الوضع واضح. على الاقل بالنسبة الي. وكل شي بينلعب فيه للأحلى. انا هيدا رأيي يا لمى. بكل مودة.
| انقر للتصويت |
طريقة في التعبير
مجهول - 4/29/2015 9:54:17 AM
يا جماعة، ضحى تسخر بشكل واضح!
| انقر للتصويت |
قوية
محمد محمد - 4/28/2015 6:17:33 AM
الواقع والتاريخ أغرب من الخيال. لطالما سمعت عن حاجز البربارة، ولكنني لم أكن أعرف كل تلك التفاصيل (لأنني كنت طفلاً وقتها). هو لا ذنب له، ولكن كما ذكرتِ في مقالك، عليه أن يعرف الحقيقة ويعترف، أو أن يصمت. قد يقوم بالرد عليك بأنها كانت حرب أهلية، و"أهلية بمحلية"! أو أنها كانت "حرب الآخرين على أرضنا"، والآخرين في هذه الحالة هم "المحمودات" و"الإدوارات اللي بيشبهوا المحمودات"، أما "القوات اللبنانية" فهي كانت وما تزال وستبقى "حركة مقاومة" قدمت الشهداء ....... الخ.
| انقر للتصويت |
