يا أمّا فِلّ يا يا أمّا ضَلّ وافْقاعيا أما حِلّ يا يا أمّا لِفّ وارْجاع
إنتَ المِشْ زابِطْ كيف بَدّها تكون زابْطَة الأوضاع
ماشي التِدْفيش روح شَهِّل سَبَقوك اسْراع
إذا أضْعَفْ مِنّك سِبّو إذا أقْوى زِمّ وارْكاع
إذا عَلّوا سِعْرُن وَطّي إذا رِجْعوا نِزْلوا اطْلاع
إنتَ المِشْ زابِطْ كيف بَدّها تكون زابْطَة الأوضاع
دايماً لبنان هيك هِايْ وَيْنَك حاكيني لَيْك
حاجْ بَقى حَقّ عالريِّس وْعِيفَك مِن حَقّ عالبَيْك
مين جابْ الريِّس يا ريِّس إنتَ والحَقّ عليك
تْلاتْ مْلايين بَيْك هَايْ شِبَّيْك لِبَّيْك
واسْمالله حَوْلَك لا حَوْلَك لا حَوْلَ ولا حْوالَيك
على دلعونا وعلى دلعونا فِتْنا بدُوَّيْرَة إخِت مَلْعونَة
على الماني وعالماني ما تِحْكي إلاّ بالـMoney
على الماني وعالماني صَدِّقني ما في شي تاني
وُصْلوا الجَرايِد شُوفْ نَقّيلَك شي جَريدِة
هَجّيلي كِلّ الحروف رَكِّبْلي جِملِة مُفيدِة
ضَرَبَ قَيْسٌ عَمْرَ في شارِع الحَمرا
مبارح كان عيد الجَلاء وبُكرا عيد البَقَرَة
يا سايِح مَيِّل فُوت شَرِّفْنا في بيروت
مِش باقي هِرّ لا والله وطالِع إيجار البْيوت
هاي ماتوا العالَم كِلُّن وقال بَلَدي ما بيموت
رَحّ قِلَّك مين ما مات هالليرة ما بتموت
بَدَّك شاورما في بَدَّك Fish Finger في
وعِندَك إشعاع ونور لَوْ زَعَجَك فيك تطْفيه
والعمر بيمْرُق ضايِع أبداً ما بتشْعُر فيه
وْلَشو أوروبا دَخْلَك حتّى أميركا، تْفِيه!
بأوَّل طيّارة اقطاعْ بتِتْسَلّى بِشَرَفَك تاعْ
* * *
قد ما صار فيه أصناف وأشكال وموديلات للاقلام ولكل شي بعدو بيستعملو الانسان للكتابة، ليك الواحد قديه بيكتّر اقلام وبيقلل كتيبة... يا حبيبي.
طبعاً هيدا شو بيقولولو؟ هيدا بيقولولو الغاية يلّي لعنت اختها الوسيلة.
6 تعليق
التعليقات
-
صالحلا فضّ فوك يا شيخ زياد. في بلاد الباقون فيها أهل الجاهلية والظلام، قاطعو الرؤوس، مدمرو الأوطان، لا مكان. في زمن شاع فيه المتأسلمون الذين لا يفهمون من الإسلام إلا القتل والتخريب والذبح، هل كتب على اليساريين أن يجوعوا لأن "المنح والدعم العسكري والمدني" حل على المتأسلمين الذين يقتلون ولأن برنامجهم هو السائد حاليا؟ أنا شخصيا ضد الرحيل وترك البلاد، لكن إذا لم يكن هناك من بدّ فلا حول ولا.
-
زياد لا تفل في أملما حدا فهمان عليك الا يلي فهمانك ويلي فهمانيك كتار لا ما تفل وإذا فليت إرجاع هيدا لبنان في جبال ولفات ومفارق وكواع طارت العنزة وبقى مربطها نيالوا يلي بيملك مطرحها بدو ماني ومارك ألماني بيملك العالم السماوي والتحتاني البناني شاطر بالتجارة غيرلي بالله عليك هالكارة من حولك وحواليك اعمل معمم وافتى ووزع حوريات هيدي الشغلة الماشية وشوف الزلم كيف بيلتفوا حواليك وبيصير ألماني حولك شولات شي دولارات واشي ريالات شي كاش واشي شيكات وبتصير غني ما شاء الله حوليك بتملك شي ترلات وشي اوتيلات ليك الافضل خليك هيك يلي ما تعود يكون ذليل ما ممكن يصير بيك ضحى قالت فل كلنا منقول غير هيك الحزب صار عمرو ٩٠ وبعدو شب بس أقلامه ضاعت ما بين هب ودب شو رأيك تعمل نائب هيك بدن كل الحبايب نحن فهمانيك هيدا الحل شو بيجمع حزب الله والشيوعي سوا، إذا حزب الله حزب ديني منغلق وبعدوا ناطر، والحزب الشيوعي يؤمن بالرفيق لينين وبعدوا ناطر، الذي يقول الدين أفيون الشعوب، ! اجى زياد جمع بين ما قاله الإمام علي والرفيق لينين، بس مش هون القصة. هنى يلي بيجمعهم انن رفاق درب وسلاح بمقاومة إسرائيل وتحرير الأرض. لهيق اقترح ان يترشح بس أعضاء الحزب الشيوعي على الانتخابات الجاية وجمهور حزب الله ينتخبوهم. وهيك ما عاد جماعة الاربتعشر عار بيحكوا بولاية الفقيه، بيصير همهم يفسروا ولاية الرفيق،العمى طلع لينين شيعي وما مخبر حدا. لا هو شموعي.
-
أخي زيادالإنسان هو الإنسان منذ بدء الخليقة إلى الآن , تحركه نوازعه ولا يحركه عقله , تدمره أنانيته وهو يقول ليش هيك عم يصير معي , يا ربي ؟ الإنسان مشروع فاشل , ليس لأن الله سبحانه وتعالى لم يحسن خلق الإنسان (تبارك الله أحسن الخالقين), بل لأن الإنسان محاط بالكمال وهو الوحيد المحدود , يستيقظ الإنسان من عالم الأحلام المدهش وهو لا يعرف أين كان ويدخل إلى عالم المحسوسات ولكنه لا يعرف ماذا يريد , يتخبط من الصباح إلى المساء في أنانيته وتفاهته وغفلته ويعود إلى النوم الذي يأخذه رغماً عنه إلى اللامكان , ما أجرأك أيها الإنسان الأحمق , كيف تغمض عينيك وتسلم نفسك إلى المجهول ! لو الإنسان عاش كإنسان , لكانت الدنيا جنة الله على الأرض , لكن الإنسان عشق الشيطان , فكانت الدنيا موعد عذابه الأول , والآخرة موعد عذابه الآخر وليس الأخير! واحسراتاه عليك أيها الأنسان , ولدت رغماً عنك وتموت رغماً عنك وتبعث رغماً عنك وستخلد في نار الجحيم رغماً عنك , وأنت أيها الأنسان مشغول الآن كيف تعيش والموت يحدق بك وينتظرك والملائكة ترثيك والسماء تبكيك وربك يقول لك تعالى إلي , أنا أرحم الراحمين !
-
مهرجانات بيروتسمعناها بمهرجانات بيروت وحلوة كتير وياريت يتجمعو هل أغاني الجداد ب cd