ماتوا...انتفضت،
اتضايقت
على يلي عم بيموتو كل يوم
بتروح آخرتها
صباحك يا مسجون
مكنتش عارف
إنو الدركي هال أد بيحبني
بحنية
بس لما كان عم يضربني
في إيد نسيتها عندن بالمكتب
وفي إيد على البيت سبقتني
لحظتها عرفت
إنو نحنا عايشين بعالم ملعون
الأخبار بلاها
مالها أفلام الكرتون
هيك قلي الدركي
لأنو هو زلمي فهمان
بترجع عالبيت يأسان
الوجع بجسمك مليان
نفسك شي مرة تفيق تكون عابط حلمك
ما يكون عابطو حدا تاني
نفسك تفكر
بس ما تشعر بالإهانة
التفكير صار غلط بهيك عالم زبالة

أسلوب (كتيبة 5)