مسلّم نفسك للخوف هيك بدّن ياكدولارات بجيابك وجنازير بإيديك
خليك مغمض عينيك، ناطر الشيك من البيك
أوعا تثور عمحيطك ولو عالسرقة رباك
وله شوبيك نحنا صغار وهنّي كبار كتير
رح يبيعونا الهوا وعم تحكيني بالتغيير؟
بس، بس، بس، بس

إذا الهوا صار ملكية رح اتنفس من كلملتي
حوّل الموت قلم خِطّ في آياتي
حياتي؟ وكيف بدا تكون حياتي
اذا ما لحقت احلامي وعشت خياراتي
بدّن خاف من حالي من النار اللي جواتي
الآتي أعظم والبطيخ علسكين
لملايين لجوعانين هول كلّن اخواتي

مش هينة تكون لبناني؟
بركي أهين علسوداني؟
بركي عطلتك لجاييي
بتقضيها بالتبانة
مع عميل CIA تحت غطاء عمل انساني
فهموك إنو خيارك
يا صهيوني يا ايراني
لأ انا عربي ولبناني
وما بيسمحلي عنفواني
عن هلأرض غيّر عنواني.
كفاني.

« صابون بلدي»