باسم ماضيشوف كيف عم يلعبوَا عالمكشوف
عم نطوف بالفساد وعم ياكلوا علينا ألوف
عم اختنق ما بعرف كل العالم عم تنسَرَق
عم بحترق متل النار يللي عم تاكل ورق
بلد مسكون بالسكون والسكان مساكين
مساجين العلقة وين؟ بالقانون علقانين
سكاكين عم تدبح من الوريد للوريد
ما عم ترحم ما رح تسلم رح بتصير شهيد
شهيد الفقر والجوع، وضرايب عم بتزيد
والألم والدموع على كل إنسان مريض
لأنو حقو مش مدفوع والضمان ما بيفيد
ما عم يفوت عم يموت عبواب المستشفيات
بس وين الأمل عم يختفي مع الألم
ليك الخجل كل ما يعلا العلم
كل إنسان عندو حلم وأنا حلمي كون
كون عايش ببلد يكون ماشي عالقانون
عم بتأمل لقدام أديش بعد فيني إتحمل
عم بتألم من الكلام والأوهام يلي عم تتكلم
والإيمان بلبنان من انا وصغير عمبتعلم
بس من وقتا ما حسيت ما عم بقدر اتبسم
العالم عم تتاكل عمين بتتكل حتى تاكل
تفو عهل الفوضى ما في شي بيدعي للتفاؤل
والتساؤل عن مسؤولية المسؤول مش سألان
وبعدين... ما تقلي لوين
تكسير وتفسير وتفكير وتكفير
وتزمير وتزفير وتزوير وتعتير
والتكذيب بالمفضوح والتأنيب مش مسموح
وقلي مين في يقطب كل هالجروح
بس شو هو العمل؟ الجروح عم تشلي عمل
ووين العدل؟ عن ميزانو عَدَل
كل إنسان عندو هم وأنا عندي هموم
همي بلدي يفيق من كل هالسموم