لا سلام ولا تحيةجيت ادبحها الهوية
جيت اعلنها القضية انسانية عالمية
هيك رباني بيّي، اطفي الخوف اللي بعينيي
احمل بقلبي الحرية.
اطلّع دار من دارك شوف
عراف عدوّك هوّي الخوف
أوّل شي الخوف عحالك
تاني شي الحرص عمالك
تالت شي نرضى بالذل ،الكل واقف عم يتفرّج
على الأرض عم تتدحرج
متل النكلة على جيابن
و كلابن كتار
و سلاحن مخيف
و ما بنوصل عحقنا تا ندفن الرغيف
طالما انك ضعيف بوجه المال
مش نضيف رح تضلّ
كيف الحل؟ بالحرية
و الحرية من ذاتك
و اذا ما بتحرر نفسك
بيصير قبرك حياتك
بيصير جسمك حبس
كبس، للروح اللي فيك
للريح اللي فيك
و بيكون راح اللي فيك
ما عاد الحق يعنيك
عم بحكيك.

«صابون بلدي»