نفس، نفسضحك، عبس
غنّى وسكت
وصوته خفت
متت،
وبالحبر اللّي بدمي عحيط قبري كتبت
ناي
كان بدّي نشرب شاي علبلكون بلحمرا
نرسم الحياة ونسكر من خمرا
ونقعد علبحر بضهرنا الدني
علبحص عمبيخشّ
ما نملّ من الغني
سقفنا النجوم
كروم عقلوبنا عمتنحني
ونعيش التكّة سنة
بس بيضلّ كلّو حكي
شوق وغضب
شكي وبكي
دموع ما بقا في
وقلبي اللّي في مكفّي
وفي شي مليار مظلوم تعبان عمفكّر في
رح اشتاق كل يوم
وقلبي من النقمة صفّي
واحلم هيك بشي ليلة
شعرك عكتفي غفّي.

«صابون بلدي»